انا نثرتك دموع....

مساءكم خير وصباحكم ورد انا اليوم عندي مشاركه وانشالله تنال على

رضاكم والقصيده هي تعبر عن نفسه....

.
.
.
.
.
.





تكفا طلبتـك دقيقـه بـس تسمعنـي
لا قلتلـك خللنـي تكفـا تخلينـي!!!


انا عشقتك هوى ولا انـت تجرحنـي
وانا ذكرتك غـلا ولا انـت ناسينـي


بعثرتني من بعد مـا كنـت تجمعنـي
ضيعتني في غرامك ضاعت سنينـي


ياكثر ما قلتلـي مخطـي وسامحنـي
واسامحك لان حبـك كـان معمينـي


تحطب ضلوعي وتشعل نار تحرقنـي
وا قلبي اللي حرقته وانـت كاوينـي


تدري وش اللي على فعلك مصبرني؟؟
لاني احبـك وحبـك ساكنـن فينـي


وتدري وش اللي معذبني وقاهرني؟؟
ابتركك وانت تجـري فـي شرايينـي


بقول حاجـه ولا ظنـي تواخذنـي؟؟
انا نثرتك دموع وطحت من عينـي!!


فهمتني او بعـد منتـه بفاهمنـي؟؟
بالمختصر صاحبـي ماعـاد تعنينـي


تبي الصراحه بعد ماعـاد تنفعنـي!!
مابيـك ترجـع ولا حتـى تداوينـي


قم وابتعـد عننـي طالبـك فارقنـي
عفتك عقب ما تغير طبعـك الزينـي


وان شفتني طحت تكفا لا تساعدنـي
انا بقـوم ابيـدي وقـوى رجلينـي


تكفا طلبتـك بعـد مابـي توادعنـي
يكفيني اللي جرالـي منـك يكفينـي


واليوم قلبي على فرقـاك طاوعنـي
يعني خلاص انتهاء اللي بينك وبينـي


مانـي بطربـان للعربـان بغـنـي
اون والنـاس بالـونـات توحيـنـي